WiKidia

പൗരാണിക കാലത്ത്, ലോകത്തെ ഏറ്റവും വലിയ വാണിജ്യതുറമുഖമെന്ന് അനുമാനിക്കപ്പെടുന്ന സ്ഥലമാണ്  മുസിരിസ് . ( ഇപ്പോഴത്തെ  കൊടുങ്ങല്ലൂർ  ) 2500 കൊല്ലം മുൻപ് ലോകത്തെ പ്രമുഖ വാണിജ്യ കേന്ദ്രമായിരുന്ന മുസിരിസ്,  സുഗന്ധവ്യഞ്ജനങ്ങൾ  മുതൽ അമൂല്യരത്നങ്ങൾ വരെ  ഗ്രീക്കുകാർ ,  റോമാക്കാർ  തുടങ്ങിയ പ്രമുഖ വാണിജ്യ രാജ്യങ്ങളുമായി വിനിമയം ചെയ്തിരുന്നു . ഒന്നാം നൂറ്റാണ്ടിലെ പ്രമുഖ വാണിജ്യതുറമുഖ കേന്ദ്രമായിരുന്നു മുസിരിസ്.   ദക്ഷിണേന്ത്യയിൽ ,   കേരളത്തിലെ   കൊടുങ്ങല്ലൂരിനോട്   ചേർന്നാണ് മുസിരിസ് നില നിന്നിരുന്നത് എന്ന് കരുതപ്പെടുന്നു.   കൊടുങ്ങല്ലൂർ   ഭരിച്ചിരുന്ന   ചേര - പാണ്ഡ്യരാജാക്കന്മാരുടെ   കാലഘട്ടത്തിലാണ് മുസിരിസ് പ്രബലമായ വാണിജ്യ കേന്ദ്രമായി രൂപപ്പെടുന്നത്. 9ാം നൂറ്റാണ്ടിൽ   പെരിയാർ   തീരപ്രദേശത്ത് സ്ഥിതി ചെയ്തിരുന്ന 10 വൈഷ്ണവക്ഷേത്രങ്ങൾ അക്കാലഘട്ടത്തിലെ പാണ്ഡ്യരാജാക്കന്മാരുടെ സ്വാധീനത്തിനുള്ള തെളിവാണ്. പൗരാണിക   തമിഴ് കൃതികളിലും   യൂറോപ്യൻ സഞ്ചാരികളുടെ രചനകളിലും മുസിരിസിനെക്കുറിച്ച് പരാമർശമുണ്ട്. വിഭജ...